سويسرول الدجاج

سويسرول الدجاج
================

هذي طريقة مبتكرة لاكلة مغذية وذات منظر رائع.. اتمنى تعجبكم..
اولا نجهز الحشو(المرة ذي غير)
المقادير:
مقدار من الدجاج المفروم
بصلة+ فص ثوم (مفرومين)
خضار مبشورة حسب الاختيار(جزر, بطاطس, كوسة)
الطريقة:
-- نحمس البصل والثوم مع شوي زيت ثم نضيف الدجاج
--- اذا صار نص استواء نضيف الخضار ونقلب حتى ينضج الجميع
--- نتبل بالملح والكركم والكمون والفلفل الاسود.. وكذا تصير الحشوة جاهزة..

الفطيرة:
المقادير( ياقلب العنا)

3 بيضات
علبة قشطة( التاج او نستلة او بوك...)
علبة وسط جبنة كرافت مبشورة
2 ملعقة صغيرة بيكنج بودر
3 حبات توست منزوعة الاطراف او نصف حبة صامولي( الحجم العادي مو الصغير)
الطريقة:
نضع في الخلاط الكهربائي:
البيض, القشطة, الجبنة,
بعد ماتمتزج نضيف التوست والبيكنج بودر
نصب الخليط في صينية مدهونةبالزبدة(كثري الدهن علشان ماتلصق)
ندخلها الفرن ونتركها حتى تستوي وتراها ماتاخذ وقت..نعرف نضجها اذا تماسكت ونشفت..وبعدين نحمرها من فوق..
نفرد قطعة قصدير اكبر من مقاس الصينية( على فكرة هذا المقدار يكفي صينية كبيرة بطول35 سم وعرض 20 )
ندخل الملاس من جوانب الصينية ونحاول نفصل الفطيرة عن الصينية علشان نضمن نزولها بدون اصابات لما نقلبها..

نقلب الفطيرة على القصدير وندهنها بسرعة بملعقة كبيرة مايونيز ثم نفرد الحشوة فوقها بالتساوي
نلف الفطيرة بحشوتها بطريقة السويسرول ونحكم غلق الاطراف بالشد على القصدير ونرجعها للفرن الساخن بدون تشغيل علشان تتماسك من الحرارة
عند التقديم نقطعها حلقات وترص بطريقة جميلة في الصحن وصدقوني بيكون شكلها محير وجميل..



بالهنا والعافية